Tāu’a-parau-ra’a a te Manatū mono ‘e te mau mero nō te tā’atira’a ‘A TI’A NŌ TE ARU
’Ua fari’i ’o Eliane Tevahitua vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, i te 14 nō ’ātete 2023, te ta’atira’a « A ti’a nō te aru » ti’ahia mai e tōna peretiteni Terava Teihotaata vahine ’e te tahi mau mero nō te tōmite fa’atere : Rangitea Greig vahine, pāpa’i parau, Maire Teihotaata vahine, ’e Temana a Chung tāne.
Tē ’aro nei te tā’atira’a “ ‘A ti’a no te aru” (ATNTA) nō te pārurura’a i te faufa’a i te pae o te aru o tō tatou fenua, ’e tē pāto’i ato’a nei i te tāpūpū -haere-ra’a i te mau tumu rā’au, ’e te fa’a’orera’a i te mau uru rā’au. Hō’ē o tāna mau fā, o te fa’aferurira’a i te nuna’a i ni’a i te faufa’a pārurura’a i tō tātou nei fenua, tā tātou mau uru rā’au nō te maita’i o te mau u’i nō muri nei.
’Ua hina’aro te tā’atira’a « ‘A ti’a no te aru » (ATNTA) e fa’a’ite i te paruparu o te feiā poritita o te tahi mau ’oire ’aore ra tō rātou mana’o ha’avā ’ore nō te pārurura’a i te arutaimāreva i mua i te mau patura’a fare e ’ū’ana noa nei ’e i mua ato’a i te fa’aturorira’a a te mau patu fare i te mau ture fenua, peneia’e, pāpū ’ore, rava’i ’ore nō te pārurura’a i te arutaimāreva, nō tō rātou iho maita’i.
Tē fa’ahitihia ra te parau o te moni haeha’a mau, e’ita ihoā ïa te ta’ata e ’ōtohe, nō te mau utu’a e ’aufau nō te fa’atura-’ore-ra’a i te mau tāpūra’a rā’au tahito mau (rae’a-roa-hia hō’ē hānere matahiti) i te mau vaere-haere-noa-ra’a nā te mau vāhi i pāruruhia, i tāpe’ahia ’ei fenua nō te Fenua.
Tē pāpū ato’a atu ra ē , rave rahi mau pū ’ohipa a te Hau e tuatāpapa nei ’e hi’opo’a nei i te mau parau fa’ati’ara’a patu fare ’aore ra e fāri’i nei i te mau ha’amāmāra’a tute o tē tūra’i, te rahi noa atu ra te nūmera patura’a, i te mau tahu’a patu fare e patu i te mau fare tahua rarahi.
Teie rā tei te tāvana ’oire te parau fa’ati’a hope’a, ’o ’oia tē fāri’i i teie mau patura’a fare i roto i tōna ’oire. ’O te mau tāvana ana’e tē ti’a’au i te fa’a’ohipara’a i te mau fenua i roto i te ’oire (PGA) ’e tē fa’aoti i te mau rāve’a ato’a nō te pāruru i te mau rā’au ’e te mau ’ānīmara.
Tē hina’aro nei te tā’atira’a ATNTA e fa’a’ite pāpū i te rahi-roa-ra’a te mau patura’a fare teitei nā roto i te ’oire ’e te mau ’oire tāpiri, i te “Mission”, i “Sainte Amélie”,
tei fa’a’ore roa i te mau tumu rā’au tei riro ’ei nohora’a nō te mau ū’upa
tei fa’a-huru-’ē i te mau tahera’a pape ua ’e te mau peu i mātarohia e te huira’atira o taua mau tuha’a fenua ra.
’Ua ha’amana’o atu te Manatū mono i te ti’ara’a o te fa’aterera’a fenua i mua i te parau o te pārurura’a i te arutaimāreva, te mau rā’au ’e te mau ’ānīmara o te fenua nei, nō te fa’atītī’aifaro i te mau nohora’a ’e te mau fa’a’ohipara’a rau i ni’a i te Fenua.
’Ua ha’amana’o ato’a ’oia i te mau fifi faufa’a ’e te pe’ape’a mau, e tupu mai a muri a’e mai te fatura’a fenua, te ’arora’a i te moni ho’o fare, te moni ho’o fenua e mara’a noa ra.
’Ua fa’aitoito ’oia i te tā’atira’a « ‘A ti’a no te aru » ’ia tāmau ā i tāna ’arora’a, e horo roa i te ha’avā mai te peu e ti’a, ’ia fa’aara i te huira’atira ’e ’ia fārerei ato’a atu i tō tātou mau ’īriti ture ’e tō tātou nā huitoofā nō te fa’aotira’a i te ti’ara’a ta’ata Mā’ohi.
Version française
La Vice-présidente reçoit les représentants de l’association « A TI’A NO TE ARU »
Éliane Tevahitua, Vice-présidente et ministre de la Culture, de l’Enseignement supérieur, de l’Environnement, du Foncier et de l’Artisanat, en charge des Relations avec les Institutions, a rencontré lundi 14 août dernier, l’association « A TI’A NO TE ARU » (ATNTA) représentée par son Président Terava Teihotaata et des membres du bureau : Rangitea Greig, secrétaire, Maire Teihotaata, et Temana Chung.
L’association ATNTA lutte pour la préservation du patrimoine naturel du Pays et milite contre la déforestation. L’un de ses objectifs est de sensibiliser la population à la nécessité de préserver notre espace naturel et nos forêts pour le bien-être des générations futures.
ATNA a souhaité dénoncer le manque de courage politique de certaines communes ou leur absence de conscience environnementale face à la pression grandissante de promoteurs immobiliers et de groupes d’intérêts peu scrupuleux qui savent utiliser à dessein ou détourner à leur avantage la législation de notre Pays, hélas, parfois encore lacunaire ou insuffisamment efficace en matière de protection de l’environnement.
Sont notamment cités, à titre d’exemple, les montants particulièrement bas et donc non- dissuasifs des amendes infligées en matière de coupes non autorisées d’arbres centenaires ou d’opérations de défrichage sauvage effectués dans des zones pourtant protégées par la règlementation.
Il a été constaté que nombreux sont les services administratifs du Pays qui concourent à l’étude et au processus d’autorisation de permis de construire ou de validation de schémas de défiscalisation permettant la construction de projets immobiliers collectifs, dont le nombre ne cesse d’augmenter en Polynésie française.
Mais bien souvent, le dernier mot appartient aux maires des communes concernées par les projets dont ils déclarent, in fine, l’éligibilité sur leur territoire communal. Seuls, les maires ont la capacité de gérer leur Plan général d’aménagement (PGA) et d’y insuffler les mesures nécessaires à la protection de la faune et de la flore.
L’association ATNTA souhaite dénoncer le trop grand nombre de projets immobiliers en cours en zone urbaine et périurbaine, de Punaauia à Papeete, notamment dans les quartiers de la Mission et de Sainte Amélie, qui concourent à la déforestation, donnent lieu à des abattages d’arbres, participent à l’extinction d’espèces protégées comme le ’ū’upa, perturbent l’écoulement normal des eaux pluviales et les habitudes des habitants de ces quartiers.
La Vice-présidente a rappelé les engagements du gouvernement en matière de protection de l’environnement, de la faune et de la flore de notre Pays et l’importance de veiller à un aménagement harmonieux de notre Pays. Elle a également rappelé que ces sujets sont intimement liés à la question de l’accès au foncier et à la lutte contre la spéculation immobilière.
Elle encourage l’association « A TI’A NO TE ARU » à poursuivre son combat, par les voies judiciaires quand cela est nécessaire, en informant les populations concernées et en prenant, de nouveau, l’attache des parlementaires à l’Assemblée nationale et au Sénat notamment concernant la définition de citoyenneté Mā’ohi.