Te niura’a o te Fare vaira’a puta (B.U) o te Fare ’Aira’a Ihi nō Pōrīnetia farāni (UPF)
’Ua ti’ahia mai ’o Éliane TEVAHITUA vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, ’e tōna fa’aa’o ’o Hinanui CAUCHOIS vahine, i te 28 nō tetepa 2023, nō te niura’a o te fare vaira’a puta’āpī o te Fare ’Aira’a Ihi nō Pōrīnetia farāni.
E patura’a rahi mau teie, e ti’a hope roa mai i te matahiti 2025, e fare rahi, e 2 000 m2 tei fa’ata’ahia nō te ’Ite ’e te ’Aravihi.
’Ua ha’amatahia mai te patura’a i te ’āva’e nō tiurai i ma’iri a’e nei, e mātēria ’āpī tē fa’a’ohipahia, e pū ha’api’ira’a, pi’ihia learning center, tei mana’ohia mai te mau Fare ’Aira’a Ihi rarahi nō Patifita. E riro ato’a teie fare vaira’a puta a te Fare ’Aira’a Ihi, ’ei pū faufa’a nō te hīro’a tumu ato’a, i te mea ē, ’ua fa’aau-ato’a-hia te mau piha fa’a’ite’itera’a tao’a ānei, nō te mau ha’api’ipi’ira’a rau ānei, piha ’ohipa-tāpupu-ra’a ānei, ’e piha fa’ata’ahia nō te fa’a’ohipara’a i te mau tauiha’a roro uira, natirara, nūmeri, te mau fa’a’ohipara’a mātēria nō teie nei tau.
Nō reira, tē te’ote’o nei te Hau Fenua i te tomo ato’a atu i roto i teie nei ’ōpuara’a, ma te pūpū atu i te fāito moni e 230 miriōni farāne, ’oia ho’i, 1/3 nō te tā’āto’ara’a o te moni e ’aufau nō teie nei fare.
Nō te fa’ahanahana roa atu i teie nei fare vaira’a puta ’āpī, ’ua hina’aro te Manatū mono ’ia ma’iri i te i’oa nō te hō’ē ti’a faufa’a o te fenua nei, tei amo maita’i i te parau o te ta’ere mā’ohi ’e ’o tē hōro’a i te māramarama ’e te hanahana o teie nei fare.
Tē tītau nei te Manatū mono i te feiā nō te Fare ’Aira’a Ihi nō Pōrīnetia farāni, tō te Hau farāni ’e tō te tōmite o te mau i’oa mā’ohi ’e ’ōna iho nei, nō te mā’itira’a i te i’oa tano e topa atu nō teie nei fare ’āpī.
Tei roto te Manatū mono i te tīa’ira’a ’ia ti’a mai teie nei fare fa’ahiahia mau ’o tē vai matara noa nō te mau pīahi ’e te feiā ato’a e tītau ra i te ’ite ta’ere ’e te pa’ari māramarama.
—
– Version française –
Pose de la 1re pierre de la Bibliothèque universitaire de Polynésie française
La Vice-présidente, ministre de la Culture, de l’Enseignement supérieur, de l’Environnement, du Foncier et de l’Artisanat, en charge des Relations avec les Institutions, était représentée par sa conseillère technique, Hinanui CAUCHOIS, le jeudi 28 septembre 2023 pour la pose de la première pierre du chantier de construction de la nouvelle bibliothèque universitaire de l’Université de la Polynésie française (UPF).
Il s’agit d’un important chantier de construction qui verra naître à l’horizon 2025, un nouvel espace de 2 000 m² entièrement dédié à la connaissance et au savoir.
Les travaux ont débuté en juillet dernier et permettront de bâtir à travers de nombreux équipements modernes, un centre d’apprentissage ou learning center digne des grands établissements universitaires de la région Pacifique. Ainsi, la bibliothèque universitaire deviendra l’un des équipements culturels majeurs du pays avec des salles d’exposition, de formations, de travail en groupes, et d’accès multimédia.
À ce titre, le Pays est fier de participer à la réalisation de ce projet à hauteur de 230 millions de F CFP Pacifique, soit presque un tiers du coût global.
Afin de donner à cette future bibliothèque universitaire ses lettres de noblesse, la Vice-présidente a formulé le souhait delui donner le nom d’un personnage qui a marqué l’histoire culturelle de notre Pays et qui incarnerait les valeurs portées par ce lieu de savoir.
Elle invite les partenaires que sont l’Université de la Polynésie française et l’État à réfléchir en concertation avec notre comité des noms mā’ohi et elle-même au choix d’un nom envisageable pour nommer le futur bâtiment.
Enfin, la Vice-présidente a exprimé sa hâte de voir ce projet se concrétiser et ce lieu au cadre magnifique, ouvrir ses portes à nos étudiants et à celles et ceux qui souhaiteraient accéder à la culture et au savoir.