’Āvarira’a i te 31ra’a o te fa’a’ite’itera’a nō te fāri’ira’a manihini – Tere ’Āi’a
’Ua ’āvari ’o Éliane TEVAHITUA vahine, Manatū mono, tei ti’a atu nō te mono ia Moetai a BROTHERSON tāne, Manatū nō te fenua, e ti’a’au i te Fāri’ira’a Manihini, i te 31ra’a o te fa’a’ite’itera’a nō te fāri’ira’a manihini -Tere ’Āi’a.
’Ua arata’ihia atu ’oia ’e Maire FREBAULT vahine, ti’a mono ia Vannina CROLAS vahine, Tāumihau nō te ’ohipa,’e Ronny TERIIPAIA tāne, Tāumihau nō te ’Aira’a ’Ite, ’e Nahema TEMARII vahine, Tāumihau nō te Tū’aro ’e Anne NGUYEN vahine, fa’atere nō te mau pū fa’aterera’aa te Hau farāni nō te mau motu Ni’amata’i ’e Raromata’i mā, tei ti’a mai nō te mono i te Tōmitēra teitei i Pōrīnetia farāni. ’Ua tae ato’a mai te mau ti’a i mā’itihia i te Fare ’Āpo’ora’a Rahi nō Pōrīnetia farāni.
’Ua fāri’ihia mai te Manatū mono ’e te fa’atere Rahi o te pū Tahiti Tourisme, Jean-Marc MOCELLIN tāne, ’e te Peretiteni ’o te Tōmite fa’atere, Mailee FAUGERAT vahine, te fa’atere o te fa’anahora’a manihini i te fenua nei, e ti’a’au i teie fa’a’ite’itera’a, ’o Vaima DENIEL vahine, ’e tae noa atu i te mau ti’a rave ’ohipa ato’a o te pū Tahiti Tourisme.
E fārereira’a mātaro-maita’i-hia ’e ’ape-’ore-hia i te fenua nei, nō te mau fāna’o rahi e vai ra i te pae ānei o te mau tārifa nō te mau nohora’a, te mau utara’a ’e te mau māta’ita’ira’a rau tā te mau manihini e fāna’o.
’Ua onoono maita’i te Manatū mono i roto i tāna ’ōrerora’a :“Teie fa’anahora’a nei, e fāna’ora’a nō tātou, nō te mau anotupu i te mea ē, e tārifa i ha’amāmāhia nō te māta’ita’i i tō tātou nei fenua ruperupe ’e te ’ā’ano ’e, nō te fa’afāna’o ato’a i tō tātou nei mau ’utuāfare fāri’i manihini, tō tātou feiā fa’aorihaere ’e tā tātou ato’a mau taiete utara’a manihini.”
Tere ’Āi’a, fa’atupuhia e piti taime i te matahiti, e horo’a i te hina’aro i te nūna’a nei i te revareva ’e te māhu’i i tō tātou iho fenua. E mea faufa’a mau teie fa’anahora’a nō te fa’ahotura’a i te fāri’ira’a manihini iō tātou iho. E tumu faufa’a roa te fāri’ira’a manihini nō te ihiihi o te fenua Mā’ohi. 12 000 rahira’a rave ’ohipa ’e 4 500 pū ravera’a ’ohipa nō te fa’aoraorara’a i te fāri’ira’a manihini. Nāna ato’a e ha’afaufa’a i tā tātou faufa’a nātura ’e tā tātou mau peu tumu. Hau atu i te he’euri o tō tātou fenua e fa’a’itehia ra i ni’a i te mau hōho’a, te hīro’a tumu ihoā tā te mau manihini nō te fenua e ’imi nei, te mau manihini nō te ara ato’a rā.
E au ra ē, e matahiti maita’i roa teie matahiti 2023 nō te fāri’ira’a manihini, teie nei rā, e ’imi tātou i te mau rāve’a ’ia mara’a noa atu ā te reira ma te fa’atura pāpū i te arutaimāreva. E mea faufa’a mau te fa’ahotura’a i te fāri’ira’a manihini nō te tau roa. E fa’atura i te arutaimāreva, te ta’ere Mā’ohi ’e te faufa’a Mā’ohi, te fā mau teie o te Heiva Tū’aro Nui 2024, teie heiva tē fa’a’ite nā te Ao tā’āto’a nei ia Pōrīnetia farāni, inaha hau i te mīria ta’ata e māta’ita’i i te mau tata’ura’a hōrue tē tupu i Teahūpo’o .
E tupu teie o te fa’a’ite’itera’a nō te fāri’ira’a manihini mai te 29 nō tetepa ’e tae atu i te mahana mātāmua nō ’ātopa e piri mai ra. I teie matahiti, ’ua ’āmui mai e 260 feiā fāri’i manihini, ’e e 40 i ō ’āpī mai i teie matahiti.
– Version française –
Ouverture du 31e Salon du Tourisme – Tere ‘Āi’a
Éliane TEVAHITUA, Vice-présidente, représentant Moetai BROTHERSON, président du Pays en charge du Tourisme, a inauguré ce vendredi matin la 31e édition du Salon du Tourisme – Tere ‘Āi’a, au Parc des expositions de Māma’o.
Elle était accompagnée de Maire FRÉBAULT, représentant Vannina CROLAS, ministre du travail, de Ronny TERIIPAIA, ministre de l’éducation, de Nahema TEMARII, ministre des sports, et de Anna NGUYEN, cheffe des subdivisions administratives des Îles du Vent et des Îles Sous-le-Vent, qui représentait le Haut-commissaire de la République en Polynésie française. Étaient également présents les représentants à l’assemblée de la Polynésie française.
La Vice-présidente a été accueillie sur place par le directeur général de Tahiti Tourisme, Jean-Marc MOCELLIN, la présidente du conseil d’administration, Mailee FAUGERAT, la directrice des opérations locales en charge de l’organisation du salon, Vaima DENIEL, ainsi que toute l’équipe de Tahiti Tourisme.
Ce salon est désormais devenu un rendez-vous incontournable de l’industrie touristique, à l’occasion duquel les résidents profitent d’offres promotionnelles, de tarifs préférentiels et de bons plans pour les hébergements, les transports ou encore les activités à vocation touristique. « C’est une belle opportunité pour les résidents de découvrir à moindre prix notre si beau et si grand Pays. Mais également de faire vivre notre hôtellerie familiale, nos prestataires d’activités, et nos transporteurs aériens » a souligné la Vice-présidente dans son discours d’ouverture.
Tere ‘Āi’a, organisé 2 fois par an, est là pour susciter l’envie de la population résidente de voyager et de découvrir notre propre destination. Ce salon est donc très important pour le développement du tourisme intérieur. Le tourisme est un secteur clé de l’économie polynésienne. Il représente 12 000 emplois et près de 4 500 entreprises travaillent dans ce secteur dynamique. Il permet de mettre en valeur la richesse de notre patrimoine naturel et culturel. Car, au-delà des paysages de rêve de cartes postales, c’est bien la culture polynésienne qui attire les visiteurs, locaux mais aussi et surtout du monde entier.
L’année 2023 promet d’être une année exceptionnelle pour le secteur du tourisme pour la Polynésie, et il s’agit désormais d’accompagner pour les années à venir cette montée en puissance, tout en respectant l’environnement. Le développement du tourisme durable est donc primordial. Ce tourisme respectueux de l’environnement, mais aussi de la culture et des valeurs polynésiennes, c’est d’ailleurs l’objectif des Jeux Olympiques 2024, qui vont donner une visibilité mondiale à la Polynésie française, avec près d’un milliard de téléspectateurs lors des épreuves de surf qui se dérouleront à Teahūpo’o.
Le Salon du Tourisme se déroulera du 29 septembre au 1er octobre prochain. Il compte cette année 260 exposants, dont 40 nouveaux inscrits. Ce qui illustre le réel engouement des visiteurs, des consommateurs et des professionnels du secteur pour cet évènement.
