’Ua tere te Manatū mono i te Pū hi’opo’ara’a reva Météo-France
’Ua tere atu ’o Eliane TEVAHITUA vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, i te Pū hi’opo’ara’a reva Météo France, i te taura’a manureva nō Fa’a’a.’Ua fāri’ihia mai ’oia e Sophie Martinoni vahine, fa’atere nō taua pū ra, Météo France Pōrīnetia farāni ’e te tahi pae ’o tōna mau rima tauturu.
’Ua tomo roa atu te Manatū mono i roto i te mau piha tōro’a ’e ’ite maita’i atu i te mau arata’ira’a a te Pū Météo France mai te :
- Tāvinira’a i te feiā mana, te mau ta’ata ti’ara’a tino huira’atira ’e te Ihiihi ;
- Hi’opo’ara’a i te mau hi’ohi’ora’a ’e te mau mitora’a reva ;
- Ha’apāpū i te vai-maita’i-ra’a o te huira’atira ’e tae noa atu i te mau maita’i ato’a i mua i te mau fifi o te reva ma te hōro’a i te tahi tauturu i te pae o te reva nō te mau rerera’a manureva ;
- Tauturu i te pārurura’a ’e te fa’aorara’a i roto ’e i ni’a i te moana i pīha’i i te JRCC.
Te ’ōpuara’a rātiō
Te ’ōpuara’a o te rātiō a te pū hi’opo’ara’a reva, nō te ha’amaita’i ïa i te mau mitora’a reva ’e te hi’opo’ara’a i te mau taime ua. E mea fifi ’e te tano’ore te mau hi’opo’ara’a ’ia tae i te mau tau ua, mai te peu ’aita teie moiha’a. Tē tamatahia nei, i teie mau taime, te Rātiō rēni X o tē hi’opo’a i te hō’ē āteara’a e 30 tiromētera, e tē tīa’ihia nei hō’ē rātiō e hi’opo’a i te hō’ē āteara’a e 250 tiromētera. ’Ei fa’aaura’a, e 3 rātiō tā te fenua Taratoni e fāna’o nei, e mea ’ohie nō rātou ’ia mito i te mau tau ua pūai.
’Ua hina’aro te Manatū mono e ha’amana’o i tāna tauturu ’e tae noa atu i te turu a te Hau Fenua i te pū Météo France, te mau pupu rave ’ohipa e rohi tāmau nei i te mau mahana ato’a nō te maita’i o tō tātou nei fenua.
VF – La Vice-présidente visite les locaux de Météo France
Éliane TEVAHITUA, Vice-présidente, ministre de la culture, de l’enseignement supérieur, de l’environnement, du foncier et de l’artisanat, en charge des relations avec les Institutions, s’est rendue le mardi 29 août 2023 dans les locaux de Météo France, situés à l’aéroport de Tahiti-Fa’aā. Elle a été accueillie par Sophie MARTINONI, directrice de Météo France Polynésie française ainsi qu’une partie de son équipe.
La Vice-présidente a visité les différents services et ainsi appréhender les nombreuses missions assumées par Météo France, à savoir :
- Servir les autorités, les citoyens et l’économie ;
- Superviser un réseau d’observation et les systèmes de prévision ;
- Garantir la sécurité météorologique des individus et des biens en fournissant une assistance météorologique pour la navigation aérienne en vol ;
- Fournir un soutien à la défense et aux opérations de secours en mer au JRCC.
Présentation du projet radar
Le projet relatif au radar météorologique vise à améliorer considérablement la prévision et la surveillance des précipitations climatiques. L’absence de ce radar entraîne une nette dégradation de la qualité des prévisions pour les épisodes de fortes pluies. Actuellement, une expérimentation est en cours avec un radar bande X, ayant une portée de 30 kilomètres, tandis que l’objectif est d’obtenir un radar avec une portée significativement accrue, environ 8 à 10 fois supérieure, soit environ 250 km. À titre de comparaison, la Nouvelle-Calédonie est équipée de 3 radars, ce qui leur confère une capacité à anticiper de manière plus réactive les précipitations intenses.
La Vice-présidente a tenu à rappeler son soutien et celui du gouvernement à l’endroit de Météo France et des équipes qui œuvrent au quotidien au service de notre pays.
