Tāu’aparaura’a i rotopū i te Manatū mono ’e te mau ti’a nō « Fenua Ma », ’o Jules a Ienfa tāne, peretiteni, rāua ’o Benoît LAYRLE, fa’atere rahi
’Ua fārerei ’o Éliane TEVAHITUA vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, i te mahana pae 6 nō ’ātopa 2023, ia Jules a IENFA tāne, peretiteni nō « Fenua Ma », i ’āpe’ehia mai e Benoît a LAYRLE tāne, tāna fa’atere rahi.
E aupupu rau matara noa ’o « Fenua Ma » (SMO) nō te ti’a’aura’a, te ’ohira’a, te rapa’aura’a ’e te ha’afaufa’ara’a i te pehu. 13 va’ata’ata i tomo i roto i teie aupupu, te Fenua nei ’e nau 12 ’oire nō Tahiti ’e nō Mo’orea-Mai’ao. Rave rahi mau fa’auera’a fa’ahepo a te aupupu, mai te rapa’aura’a i te pehu, te tureiara’a ’e te fa’ahīro’ara’a i te nūna’a, te fa’anahora’a, te ti’a’aura’a i te mau mātini e fa’a’ohipahia nō te pehu ’e te fa’amaita’i-fa’ahou-ra’a i te mau fa’aru’era’a pehu. E tano ato’a ’oia e amo i te tahi atu mau hopoi’a, mai te ’ohira’a i te pehu a te mau ’oire i pīha’i roa atu i te mau nohora’a huira’atira, te ’ohira’a ’e te ha’afaufa’ara’a i te mau pehu nātura.
Ta’a’ē noa atu i te mau ’ohipa e ti’a’auhia ra ’e « Fenua Ma », ’ua fa’aiho mai te mau ’aitauira’a i te mau fifi e rave rau mai te ti’a’aura’a i te mau pehu fifi ’e ataata, te mau ahitiri ārai, te mau putu uira ritiūmu. Hau atu te reira, ’ua tuatāpapa-ato’a-hia te mau parau o te faufa’a moni (te ture tute, te ’aufaura’a i te moni pahī, etv.) ’e te nu’ura’a o te mau mata’ī o te SMO « Fenua Ma ».
– Version française –
Entretien de la Vice-présidente avec les représentants de « Fenua Ma »
Éliane TEVAHITUA, Vice-présidente et ministre de la Culture, de l’Enseignement supérieur, de l’Environnement, du Foncier et de l’Artisanat, en charge des Relations avec les Institutions, a rencontré, le vendredi 6 octobre dernier, M. Jules IENFA, président de « Fenua Ma », accompagné de son directeur général, M. Benoît LAYRLE.
« Fenua Ma » est un Syndicat Mixte Ouvert (SMO) spécialisé dans la gestion, la collecte, le traitement et la valorisation des déchets. Il regroupe 13 collectivités adhérentes, dont le Pays et les 12 communes de Tahiti et Mo’orea-Mai’ao. Le syndicat a plusieurs missions obligatoires, notamment le traitement des déchets, la communication et la sensibilisation du public, la création et la gestion des équipements spécifiques pour la gestion des déchets, et la réhabilitation des décharges. Il peut également assumer des compétences optionnelles, comme la collecte des déchets des communes en porte-à-porte et la collecte et la valorisation des déchets verts.
Indépendamment du balayage des très nombreux dossiers que gère « Fenua Ma », les échanges ont mis en exergue différentes problématiques environnementales majeures, telles que celles posées par le traitement de déchets dangereux à l’instar des fusées de détresse ou des batteries au lithium. En outre, les sujets de financement de la filière déchet ont pu aussi être abordés (fiscalité, prise en charge du transport maritime, etc.) ainsi que la possible évolution des compétences du SMO « Fenua Ma ».
