Tāu’aparaura’a a te Manatū mono ’e ’o Jérémie a KATIDJO MONNIER tāne, Mero nō te  Fa’aterera’a Hau o te fenua Taratoni, E ti’a’au i te he’e-’ona-ra’aihiheiora ’e i te Aru Ihotupu moana o te Mer de Corail

’Ua fārerei ’o Éliane TEVAHITUA vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, rāua ’o Taivini a TEAI tāne, Tāumihau nō te Fa’a’apu, te mau Hotu ’Ī moana, e ti’a’au i te Mā’a fāito au ’e te Mā’imira’a, ia Jérémie a KATIDJO MONNIER tāne, i te mahana maha 5 nō ’ātopa 2023.

E mero, ’o Jérémie a KATIDJO MONNIER tāne, nō te 17ra’a o te Fa’aterera’a Hau Taratoni. E rautī ’oia, e hi’opo’a ’oia i te tuha’a o te fa’ahotura’a tau roa, te arutaimāreva ’e te tauira’a ihiheiora. ’E, e ti’a’au ’e e ha’afaufa’a ato’a i te Aru Ihotupu moana o te Mer de Corail, i te  fa’anahora’a o te tāmarūra’a ’e te ha’amātaura’a i te mau tauiuira’a o te huru o te reva, i te poritita nō te ti’a’aura’a o te pape ’e i  te he’e-’ona-ra’a o te huru ’amura’a i te mā’a.

I ’ō nei ato’a ’oia i te 2 nō ’ātopa, nō te rurura’a « PASIFIKA MA’A », i fa’aineinehia mai ’e te Fare Tāumihau nō te Fa’a’apu, te mau Hotu ’Ī moana, e ti’a’au i te Mā’a fāito au ’e te Mā’imira’a.

Tau tāu’aparau rau tei tupu i ni’a i te mau tumu parau e au i nā fenua e piti nei, te fenua Taratoni ’e ’o Pōrīnetia farāni, i te pae o te pārurura’a i te arutaimāreva. I ni’a ihoā rā i te fa’atū’atira’a i te tauira’a o te huru o te reva, te ti’a’aura’a i te mau ārea moana  pārurua ’e tae noa atu i te mau mā’imira’a ’e te tāpa’ora’a i te mau ’ōfatira’a ture ’e te tīa’i aru (e rave rahi ’o rātou i te fenua Taratoni, i raro a’e i te fa’aterera’a a nā apa’ahō’ē e piti).

 

– Version française –

Entretien de la Vice-présidente avec Jérémie KATIDJO MONNIER, membre du gouvernement de la Nouvelle-Calédonie, en charge de la transition écologique et du Parc Naturel de la mer de Corail

Éliane TEVAHITUA, Vice-présidente, ministre de la culture, de l’enseignement supérieur, de l’environnement, du foncier et de l’artisanat, en charge des relations avec les Institutions, accompagnée de Taivini TEAI, ministre de l’agriculture, des ressources marines, en charge de l’alimentation et de la recherche, ont rencontré le jeudi 5 octobre 2023, M. Jérémie Katidjo Monnier, membre du gouvernement de la Nouvelle-Calédonie.

Jérémie Katidjo Monnier est chargé d’animer et de contrôler le secteur du développement durable, de l’environnement et de la transition écologique. Il est aussi chargé de la gestion et de la valorisation du Parc naturel de la mer de Corail, du plan d’atténuation et d’adaptation aux effets du changement climatique, de la politique de l’eau et de la transition alimentaire.

Il était présent en Polynésie française la semaine du 2 octobre 2023 pour le séminaire « PASIFIKA MA’A » organisé par le ministère de l’agriculture et des ressources marines, en charge de l’alimentation et de la recherche.

Divers échanges ont eu lieu sur des sujets communs propres à la Nouvelle-Calédonie et à la Polynésie française en matière de protection de l’environnement. Ceux-ci ont plus particulièrement porté sur l’adaptation aux effets du changement climatique, la gestion des aires marines protégées, ainsi que sur la recherche et la constatation des infractions par l’intermédiaire de gardes-nature (particulièrement nombreux en Nouvelle-Calédonie et relevant de la compétence des provinces).