Tāu’aparaura’a’e te Peretiteni nō te Fare ’Aira’a Ihi nō Pōrīnetia farāni, ’o Patrick a Capolsini tāne, ’e ’o Jean-Paul a PASTOREL tāne, mono – peretiteni nō te Fare ’Aira’a Ihi nō Pōrīnetia farāni, e ti’a’au i te pirita’ara’a e te mau Hau o te ao nei
’Ua fārerei ’o Éliane Tevahitua vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, i te mahana mātāmua nō tetepa 2023 ia Patrick a Capolsini tāne, Peretiteni nō te Fare ’Aira’a Ihi nō Pōrīnetia farāni, rāua ’o Jean-Paul a Pastorel tāne, mono – peretiteni nō te Fare ’Aira’a Ihi nō Pōrīnetia farāni, e ti’a’au i te pirita’ara’a e te mau Hau o te ao nei.
Tau tumu parau tei tuatāpapahia :
Te fa’aineinera’a a te Fare Manatū mono ’e te Fare ’Aira’a Ihi nō Pōrīnetia i te hō’ē rurura’a ’āmui i ni’a i te tumu parau o te ’arora’a i te mata’ēra’a i te ta’ata pupu LGBT i Pōrīnetia farāni ’e nā te mau pae fenua o te Moana Patifita.
’O te rurura’a mātāmua roa mai teie te huru, e tupu ’oia i te Fare ’Aira’a Ihi nō Pōrīnetia i ’Outumāoro i te 7 ’e te 8 nō novema 2023.
E tae ato’a mai nā monohau, e ti’a’au i te fāito tano o te huru ta’ata, nō ’Auterāria ’e nō Aotearoa, ’O Louisa Wall vahine rāua ’o Stephanie Copus-Campbell vahine. E tae ato’a mai tō te ’āmuitahira’a nō Patifita (te CPS i mua ra).
Rave rahi ta’ata, tahu’a rau, feiā mā’imi, tē ’āmui mai i pīha’i i te mau pīahi, tau ti’a nō te tōtaiete tīvira, nō te mau fa’aro’o, tau mero nō te ’Āpo’ora’a rahi o Pōrīnetia farāni’e te mau ti’a nō te pae o te ea.
E turu ato’a mai te Fare Tāumihau o te ea, te Fare Tāumihau nō te ’Aira’a ’Ite ’e tae noa atu i te tā’atira’a « Cousins Cousines » ’e te tahi mau ti’a nō te « ILGA Oceania », e tā’atira’a e ’aro ato’a nei i roto i te ārea Moana nō Patifita nō te hi’o’ēra’a i te ta’ata.
Tē vai atu ā rā te tahi mau tumu parau : te vaira’a o te pupu LGBT i roto i te hīro’a tumu nō ’Ōteania, te fa’a’orera’a i te mau utu’a e topa i ni’a i te mau raerae i te mau fenua nō Patifita, te raura’a o te mau hi’o’ēra’a ’e te ti’ara’a o te Fare ’Aira’a ’Ite nō te ’aro i te mata’ēra’a i ni’a i te tino o tō tātou fenua ’e i roto i te ārea moana nō Patifita.
Te fā o teie mau fārereira’a,’o te pāpūra’a ïa i te ti’ara’a mau o te mau mero o te pupu ta’ata LGBT i Pōrīnetia farāni, ’ia ’imi te Fa’aterera’a Hau Fenua i te mau rāve’a ‘ia fa’aturahia rātou, ’e ’ia vai hau noa te tā’ato’ara’a.
Te tahi ā tumu parau, te mau rāve’a a te Hau Fenua ’e te Fare ’Aira’a Ihi e fa’a’ohipa nō te pāturu’ara’a ’e te mau Fare ’Aira’a Ihi nō te mau fenua ’e’ē, ’e te fa’a’ohiera’a i te tau ha’api’ira’a a tā tātou mau pīahi : University of Hawai’i i Mānoa, Brigham Young University, East-West Center, Columbia ’e Stanford University, etv.
’Ua hope te rurura’a nā roto i te fa’aarara’a a te Manatū mono nō te tupura’a o te rurura’a rahi o te ha’api’ira’a tuatoru ’e te mau fārereira’a e te mau pīahi nō Pōrīnetia farāni ’e te mau tā’atira’a rau nō te ’apo mai i tō rātou mau mana’o i ni’a i tō rātou orara’a i tō rātou vāhi nohora’a i ’Outumāoro.
FR – Entretien avec Patrick Capolsini, président de l’Université de la Polynésie française (UPF) et Jean-Paul Pastorel, vice-président du Conseil d’administration de l’UPF, Chargé des relations internationales
Éliane Tevahitua, Vice-présidente, ministre de la culture, de l’enseignement supérieur, de l’environnement, du foncier et de l’artisanat, en charge des relations avec les Institutions, a rencontré le vendredi 1er septembre 2023, Patrick Capolsini, Président de l’Université de la Polynésie française, accompagné de Jean-Paul Pastorel, Vice-président du Conseil d’Administration de l’Université de Polynésie française, en charge des relations internationales.
Plusieurs sujets ont été successivement abordés.
L’organisation conjointe par la Vice-présidence et l’UPF d’une table ronde sur la lutte contre les discriminations envers la communauté LGBT en Polynésie française et dans la région Pacifique.
Cet événement, le premier dans notre Pays, se déroulera sur le campus de l’UPF à ‘Outumāoro, les 7 et 8 novembre 2023.
La table ronde se tiendra en présence de Louisa Wall et Stéphanie Copus-Campbell, ambassadrices chargées de l’égalité des genres d’Australie et de Nouvelle-Zélande. La Communauté du Pacifique (ex. /CPS) sera également représentée.
La table ronde réunira plusieurs activistes, artistes et chercheurs océaniens autour des étudiants de l’UPF, des représentants de la société civile, des confessions religieuses, des élus de l’Assemblée de Polynésie française et des autorités sanitaires du Pays. Le ministère de la santé et le ministère de l’Éducation seront associés à l’événement ainsi que l’association « Cousins Cousines » et plusieurs délégués de « ILGA Oceania », un réseau international qui lutte contre les discriminations dans le Pacifique.
Plusieurs thèmes seront ouverts à la discussion : la place des communautés LGBT dans les cultures océaniennes, la dépénalisation de l’homosexualité dans les États du Pacifique, les différentes formes de discrimination et le rôle de l’éducation pour lutter contre elles dans notre pays et dans la région Pacifique. L’objectif de ces rencontres est de mieux connaître les réalités des différentes situations des LGBT en Polynésie française, afin que le gouvernement puisse apporter des solutions leur assurant le respect et la sérénité auxquels ils aspirent.
Le second sujet traitait des moyens à mettre en œuvre, par le Pays et par l’UPF, pour développer des partenariats avec les entités universitaires étrangères et faciliter la poursuite du cursus des étudiants polynésiens : University of Hawai’i at Mānoa, Brigham Young University, East-West Center, Columbia, Stanford University etc.
La réunion s’est conclue par l’annonce de la Vice-présidente d’une tenue prochaine des Assises de l’enseignement supérieur et de rencontres à organiser avec les étudiants de Polynésie française et leurs différentes associations pour recueillir leurs avis sur les conditions de vie sur le campus de ‘Outumāoro.
