Fārereira’a ’e te mono Tāvana ’oire nō Hiroshima ’o Kenichi a SUSUME tāne
I te 2 nō novema 2023, ’ua fāri’ihia ’o Éliane TEVAHITUA vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, i te fare ’oire nō Hiroshima, ’e te mono tāvana ’oire nō Hiroshima.
’Ua riro taua taime ra ’ei taime pūpūra’a i nau ’api tiare tūfetuhia (origami), ravehia ’e te mau tamari’i nō te tā’atira’a Union pour la Jeunesse (UPJ), tāpa’o nō te Hau i te fenua Tāpōnē.
E tu’uhia atu teie mau ō i ni’a i te Paepae nō te Hau, i raro noa mai i te Fare iamanaha mēharara’a nō te Hau, i pīha’i i te ’Āva’a-mēnema e fa’ahanahana ra i te mēhara nō te feiā i hi’a i te ura tūpita i tā ia Hiroshima, i te 6 nō ’ātete 1945.
’Ua hina’aro te mono tāvana nō Hiroshima e hono pūai atu ’e ’o Pōrīnetia farāni, ’ua hina’aro ato’a e fa’aitoito i nau ’oire mā’ohi e 48, ’ia tomo i roto i te tāpura « Tāvana ’oire nō te Hau », natira’a ’ati a’e i te ao e e arata’ihia ’e te ’oire nō Hiroshima, nō te ha’afaufa’a i te Hau ’e nō te ’arora’a i te mau mauha’a tama’i ’ātōmī.
I teie mahana, ’o Fa’a’ā ’e ’o Ra’iroa nā ’oire e piti i fa’aō i roto i teie tāpura.
I te hō’ē fārereira’a i tupu i Papeete, i te ’āva’e nō tiunu 2023, ’e te tōnitara rahi o te fenua Tāpōnē i Nouméa, ’ua fa’ahiti, nā mua roa, te Manatū mono i te parau tua’ā’ai o te ’ātōmī e ’āpiti ra te fenua Tāpōnē rāua ’o Pōrīnetia farāni, ’e te ’ōpuara’a e pūpū atu i Hiroshima i te mau ’api tūfetuhia, ’ei tāpa’o nō te ha’amana’ora’a.
’Ua fa’ahiti ato’a ’oia i te ha’apa’a’ina-mātāmua-ra’a-hia te pāura ’ātōmī i Pōrīnetia farāni, « Aldébaran », i te 2 nō tiurai 1966, ’e te tūpitara’ahia te ’oire nō Hiroshima, i te 6 nō ’ātete 1945 ; e piti tupura’a ha’a i huti-’āfa-hia ai te mau reva ’o Mā’ohi Nui i roto i te mau pū a te Hau fenua, mai te fa’atura hō’ē minīti mūra’a.
Tē tū’ati nei te mana’o o te Manatū mono ’e o te mono tāvana nō Hiroshima : maoti, noa atu te nu’ura’a tōtiare ’e te mau manuiara’a rau, tē amo nei teie nā fenua e piti, i te teimaha o te parau o te ’ātōmī e tū’ino noa nei ā i te Ea, te Arutaimāreva ’e te Va’a mata’eina’a.
’Ua fa’aharuharuhia te reo o te Manatū mono ’e te « Chugoku Shimbun », hō’ē o te mau ve’a tuiro’o o te fenua Tāpōnē, tei ’ana’anatae mai i te parau o te mau tā’atira’a e rohi nei nō te feiā i ’ati i te «’ātōmī ».
’Ua ha’apōpou te Manatū mono i te ’oroma’i ’e te itoito o te ’oire nō Hiroshima, tei riro ’ei hi’ora’a nā tō te ao nei, nō te ha’afaufa’ara’a i te parau nō te Hau, i roto i te hō’ē ao e ha’apae i te mauiha’a-tama’i-’ātōmī.
Nā te tere ’ohipara’a i te « Naka Incineration Plant », pū tāpōnē tāninara’a pehu ’oire fa’ahiahia mau i te fenua Tāpōnē, i fa’ahope i te mau tere rau a te Manatū mono.
–version française–
Déplacement de la Vice-Présidente au Japon du 31 octobre au 3 novembre : Entretien avec le Maire adjoint d’Hiroshima, Kenichi SUSUME
Le 2 novembre, Éliane TEVAHITUA, Vice-Présidente, ministre de la Culture, de l’Enseignement supérieur, de l’Environnement, du Foncier et de l’Artisanat, en charge des Relations avec les Institutions, a été accueillie à la mairie d’Hiroshima lors d’une audience avec Kenichi SUSUME, maire adjoint d’Hiroshima.
Cette rencontre fut l’occasion de remettre à la municipalité d’Hiroshima mille (1000) origamis en forme de fleurs de tiare, réalisés par les enfants de l’Union pour la Jeunesse (UPJ), symbolisant la Paix au Japon.
Ces offrandes seront placées sur l’Esplanade de la Paix, en contrebas du Musée du Mémorial de la Paix, près du Cénotaphe honorant la mémoire des victimes du bombardement d’Hiroshima, le 6 août 1945.
Le maire adjoint d’Hiroshima a exprimé son désir de tisser des liens forts avec la Polynésie française et à encourager les quarante-huit (48) communes polynésiennes à adhérer au programme “Maires pour la Paix”, un réseau mondial coordonné par la ville d’Hiroshima pour promouvoir la Paix et lutter contre les armes nucléaires.
À ce jour, Fa’a’ā et Rangiroa sont les deux (2) communes polynésiennes qui ont rejoint ce programme.
Lors d’une précédente réunion bilatérale avec le consul général du Japon à Nouméa, qui s’est rendu à Papeete en juin 2023, la Vice-Présidente a discuté de l’héritage nucléaire commun au Japon et à la Polynésie française à l’égard du « fait nucléaire » et de l’initiative d’offrir des origamis à Hiroshima comme geste symbolique de remémoration.
La Vice-Présidente a également évoqué le premier essai nucléaire en Polynésie française, “Aldébaran”, effectué le 2 juillet 1966, et le bombardement de la ville d’Hiroshima, le 6 août 1945 ; deux évènements qui ont donné lieu à la mise en berne des drapeaux de Mā’ohi Nui dans les lieux publics et à une minute de silence respectée au sein des administrations polynésiennes.
La Vice-Présidente et le maire adjoint de la ville d’Hiroshima partagent la conviction que, malgré les progrès sociaux et les succès individuels, leurs territoires portent le poids des séquelles du « fait nucléaire » qui affectent encore profondément et durablement la santé, l’environnement et la société.
Au cours de sa visite, la Vice-Présidente a donné une interview au “Chugoku Shimbun”, l’un des principaux journaux du Japon, qui a manifesté un intérêt pour les associations polynésiennes œuvrant pour les victimes du « fait nucléaire ».
La Vice-Présidente a salué la résilience et le courage de la ville d’Hiroshima, qui est devenue un symbole international de la promotion de la Paix dans un monde libéré des armes nucléaires.
Son séjour s’est terminé par une visite de travail à la “Naka Incineration Plant”, un site exemplaire de gestion des déchets urbains au Japon.
