Tāu’aparaura’a ’e te feiā e ha’afaufa’a nei i te hiro’a tumu mā’ohi i te fenua Tāpōnē
I te 3 nō novema 2023, ’ua tae atu ’o Éliane TEVAHITUA vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, i te mau rurura’a e rave rahi ’e te feiā e ha’afaufa’a nei i te hiro’a tumu mā’ohi i te fenua Tāpōnē, i te pae ihoā rā o te ha’utira’a ta’ata ora, te rima’ī ’e te ’ori Tahiti.
Te fā o teie mau fārereira’a, ‘o te hi’ora’a i te ti’ara’a o te ta’ere mā’ohi i te fenua Tāpōnē ’e te tāpa’ora’a i te mau rāve’a e hau atu ai te maita’ira’a ’e nō te fa’a’ohiera’a i te fa’ataera’a i te mau mātēria tumu i teie nei feiā, e ha’afaufa’a nei ’e, e fa’ai’ei’e nei i tō tātou ta’ere i te fenua Tāpōnē ( fare ha’api’ira’a ’ori Tahiti, pū fa’aineinera’a ta’urua, feiā fa’atupu ta’urua ‘e heivanui mā’ohi, etv.).
’Ua fāri’i te Manatū mono ia :
Mevina a LIUFAU tāne, hō’ē o nā ra’atira o te pupu Tavake Rereata, ‘āpe’ehia mai ’e tāna fa’atere anoihi, ’o Sonny a SHWE tāne, tē fa’atupu nei i roto i te mau ’oire rarahi te mau ta’urua ’ori Tahiti, e 200 a’e vahine ’e tāne ’ori.
Ken a FUJII tāne rāua ’o Tomomi OKADA vahine, fa’atere nō nā taiete Tahiti Heiva in Japan ’e Hula & Tahiti, e feiā fa’atupu, i te mau matahiti ato’a, i te heiva nui, Heiva i Tahiti.
Toru a OISHI tāne rāua ’o Michio a ETO tāne. E ta’ata poro’i mātēria mā’ohi ’o OISHI tāne nō te fenua Tāpōnē ’e, e ha’afaufa’a ato’a i te Tahiti FESTA, ’ua hau i te ’ahuru matahiti i teie nei.
’Ua nūmerahia e 25 000 feiā ’ori Tahiti tei rara i roto i nau 300 fare ha’api’ira’a ’ori, ra’atirahia ra ’e te mau Tāpōnē iho. ’Ua po’i roa te ta’amotu tāpōnē.
Tē hina’aro nei teie feiā e fa’arahi i te mau ’aitauira’a ’e te fenua ‘o Pōrīnetia farāni, i te pae o te ta’ere ’e te fāri’ira’a manihini, ’e tē ’oa’oa nei rātou i te ha’amata-fa’ahou-ra’a te mau rerera’a manureva a Air Tahiti Nui (ATN) i rotopū i teie nā fenua e piti.
Tē nanau nei rā rātou e fa’ahotu, ’e te Fenua nei, i te mau pāturu’ara’a tapiho’ora’a ma tē ha’apāpū maita’i i te tāmaura’a te hāponora’a o te mau mātēria tumu, e hina’arohia nō tā rātou mau fa’anahora’a ’e tā rātou mau ha’utira’a : more, pae’ore, rima’ī, tao’a fa’anehenehe ’ahu ’ori, nana’ora’a i ni’a i te pārau, etv.
’Ua ha’apāpū ato’a te Manatū mono i tōna hina’aro e pa’epa’e i teie mau ’ōpuara’a nō te hīro’a tumu, te pae o te anoihi ’e te tapiho’ora’a. E ha’amata te ferurira’a ’e te mau pū a te Hau mai te Pū ’ohipa Rima’ī, te Pū Tōro’a Rima’ī, Te Papa hīro’a Faufa’a tumu, etv., ’e te mau tā’atira’a rima’ī nō te tuatāpapa i te fa’anaho-fa’ahou-ra’a i te tuha’a’ōperera’a o te mau mātēria tumu e au i te mātete tāpōnē.
— version française–
Déplacement de la Vice-Présidente au Japon : Entretien à Tokyo
Le 3 novembre, Éliane TEVAHITUA, Vice-Présidente, ministre de la Culture, de l’Enseignement supérieur, de l’Environnement, du Foncier et de l’Artisanat, en charge des Relations avec les Institutions, a tenu une série de réunions avec différents promoteurs de la culture Mā’ohi au Japon, notamment dans les secteurs du spectacle vivant, de l’artisanat et du ‘ori Tahiti.
Ces entretiens avaient pour but d’évaluer la place de la culture polynésienne au Japon et d’identifier les mesures à prendre pour améliorer sa visibilité et pour faciliter l’accès de produits artisanaux polynésiens manufacturés aux promoteurs et défenseurs de notre culture au Japon (écoles de ‘ori Tahiti, agences évènementielles, organisateurs de spectacles et festival polynésien, etc.).
La Vice-Présidente à successivement reçue :
Mevina LIUFAU, cofondateur du groupe Tavake Rereata, accompagné de son directeur artistique, Sonny SHWE, qui organisent dans les grandes villes du Japon des spectacles de ‘ori Tahiti mettant en scène une troupe de plus de 200 danseuses et danseurs.
Ken FUJII et Tomomi OKADA, dirigeants des sociétés Tahiti Heiva in Japan et de Hula & Tahiti et organisateurs chaque année d’un festival Heiva i Tahiti.
Toru OISHI et Michio ETO. M.OISHI est importateur de produits polynésiens au Japon et promoteur de Tahiti FESTA depuis plus d’une dizaine d’années.
On dénombre au Japon environ 25 000 pratiquants de ‘ori Tahiti répartis dans plus de 300 écoles de danses dirigées par des Japonais. Ce réseau couvre l’ensemble de l’archipel nippon.
Ces promoteurs souhaitent intensifier leurs échanges avec la Polynésie française dans les secteurs de la culture et du tourisme et se félicitent de la reprise des vols d’Air Tahiti Nui (ATN) entre nos deux pays respectifs.
Mais, ils souhaitent surtout développer avec le Pays des partenariats commerciaux leur assurant une pérennité d’approvisionnement en matières premières de base nécessaires à leurs activités et productions artistiques : more, pae’ore, artisanat d’art, décors pour costumes de danses, sculptures sur nacres, etc.
La Vice-Présidente a confirmé sa volonté de soutenir ces initiatives culturelles, artistiques et commerciales. Une réflexion sera entamée avec le services concernés (Service de l’artisanat, Centre des métiers d’art, Direction de la culture et du patrimoine, etc.) et les associations artisanales pour envisager une restructuration des filières d’approvisionnement plus adaptées aux existences du marché japonais.
