Tāu’aparaura’a ’e ’o « Samurai Japan »
I te mahana mātāmua nō novema 2023, ’ua tāu’aparau atu ’o Éliane TEVAHITUA vahine, Manatū mono, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, ’e te peretiteni nō « Samurai Japan », ’o Masaharu a KOBAYASHI tāne ’e ’o Junko ISHIJYO vahine, tāna ti’a fa’atere.
Tē ’āmui nei ’o « Samurai Japan » e rave rahi tā’atira’a tāpōnē i te ao nei, e pāturu’a pāpū ho’i nō te fenua i te pae o te ta’ere ’e te fāri’ira’a manihini, ’ia au te mana’o turu o te Tōnitara tāpōnē i Nouméa.
I te ’āva’e nō novema 2024, e fa’atupu teie pū ha’afaufa’a peu tāpōnē i te ara, tau heiva nui, pi’ihia « Samurai Japan France 2024 » i Pari ’e i te tahi atu mau vaefenua nō Farāni, ma te rave-roa-ra’a mai i te tahi mau fa’anahora’a i te pae o te ta’ere, te tū’aro, te fa’a’ite’itera’a tao’a, te tunura’a mā’a, te fa’a’ite’itera’a taputō tāpōnē, te ha’uti ta’ata ora, etv.
Te mana’o rahi i fā mai, o te fa’atupura’a i te tahi fa’anahora’a « Matahiti Samurai Japan » mai terā te huru i Pōrīnetia farāni nei, i te matahiti 2025.
’Ua ’āpe’ehia atu te Manatū mono ’e tōna fa’aa’o,’o Michel-Stanislas a VILLAR tāne, hō’ē pupu tonohia ’e Tahiti Tourisme arata’ihia ’e Jean-Marc a MOCELLIN tāne, tāna fa’atere rahi, ’e ’o Guillaume a COLOMBANI tāne, fa’aa’o nō te fāri’ira’a manihini ’e te utara’a nā te reva i te ao nei, i te Fare Manatū.
’Ua fa’aauhia e hāpono mai ’o « Samurai Japan » i te Fare Manatū mono, te tahi ’ōpuara’a tāpura fa’anahora’a peu tumu ’e ano’ihi, o tē tupu i te ārea ’āva’e nō fēpuare 2025.
E tāpura atu te fenua ia « Samurai Japan » i te mau vāhi tano, e au nō taua mau fa’anahora’a ra.
Tē hina’arohia nei ’ia fa’ahotuhia te mau natira’a ’e te fenua Tāpōnē ma te fa’atura i te mau faufa’a o nā fenua e piti nei, e ’ia ha’amaita’ihia-atu-ā te pāturu’ara’a i te pae o te ta’ere.
–version française–
Déplacement de la Vice-Présidente au Japon du 31 octobre au 3 novembre : Entretien avec Samurai Japan
Le 1er novembre, Éliane TEVAHITUA, Vice-Présidente, ministre de la Culture, de l’Enseignement supérieur, de l’Environnement, du Foncier et de l’Artisanat, en charge des Relations avec les Institutions, s’est entretenue à Tokyo avec le Président de « Samurai Japan », Masaharu KOBAYASHI, et Junko ISHIJYO, sa directrice.
« Samurai Japan » qui regroupe de nombreuses associations culturelles japonaises à travers le monde, est un partenaire potentiel du Pays dans les secteurs de la culture et du tourisme, recommandé par le Consul général du Japon à Nouméa.
En novembre 2024, cet organisme de promotion de la culture japonaise à l’étranger organisera à Paris et en Province plusieurs festivals dénommés « Samurai Japan France 2024 », comprenant des événements culturels, sportifs, expositions, arts culinaires, démonstrations d’arts martiaux, spectacles vivants, etc.
L’idée est d’évaluer la possibilité de répliquer une « Année Samurai Japan » en Polynésie française à l’horizon 2025.
La Vice-présidente était accompagnée de son conseiller technique, Michel-Stanislas VILLAR, ainsi que d’une délégation de Tahiti Tourisme menée par Jean-Marc MOCELLIN son directeur général et Guillaume COLOMBANI, conseiller technique pour le tourisme et le transport aérien international à la Présidence.
Il a été convenu que « Samurai Japan » transmette au ministère de la Culture, une première ébauche de programmation d’une série d’événements culturels et artistiques qui auraient vocation à se dérouler aux alentours de février 2025.
Le Pays fournira à « Samurai Japan » un inventaire des lieux et des espaces publics susceptibles d’accueillir les programmations mentionnées ci-dessus.
Cette démarche s’inscrit dans la volonté de développer des liens avec le Japon dans le respect des intérêts mutuels de nos deux Pays et de renforcer nos partenariats culturels.