’Ua ti’ahia mai te Manatū mono, Éliane Tevahitua vahine, Tāumihau nō te Ta’ere, te ’Aira’a Ihi, te Arutaimāreva, te Fatura’a fenua ’e nō te Rima’ī, e ti’a’au i te parau nō te Piriaura’a ’e te mau Fare Fa’ati’a Hau, ‘e te ra’atira Ioane a Wong tāne, te ra’atira mono, ’o Hiriata a Millaud vahine ’e te tonoha’a Tevai a Temaru vahine.
’Ua ruru te Tōmite, hi’opo’a noa, a te ’Ohipa Rima’ī i te mahana pae 22 nō tetepa 2023 i te hora hō’ē ’e te ’āfa. ’Ua tae mai ’o Vaiana a Giraud vahine, te fa’atere o te pū ’Ohipa Rima’ī, te fa’atere o te Pū Tōro’a Rima’ī, ’o Viri a Taimana tāne, te mono fa’atere o te Pū Te Papa Hiro’a ‘e Faufa’a tumu, ’o Jarvis a Teauroa tāne, tau rima rave, ’o Béatrice a Legayic vahine, ’o Woita a Prokop tāne ’e ’o Raphaël a Taiaapu tāne, tau tahu’a nō te Rima’ī.
Te mau tumu parau i tuatāpapahia ‘e te Tōmite, hi’opo’a noa, a te Rima’ī : te tāreta ’ihi rima’ī, hō’ē anira’a moni tauturu, te tahi mau tāuiuira’a mana’o i ni’a i te papa ture a te pū ’ohipa rima’ī ’e te tahi tāpura tauturu i te fa’ahotura’a i te rima’ī tumu nō Pōrīnetia farāni.
’Ua hi’o ato’a mai te Tōmite i te mau ’ē’a nō te tahi ’ohipa ’āmui nō te fa’ahotura’a i terā tuha’a ma te tuatāpapara’a i te tumu parau nō te mau mātēria tumu, te mau vāhi fa’a’ite’itera’a ’e te mau vāhi ha’api’ipi’ira’a.
’Ua tāu’aparau maita’i te tōmite ’e ’ua fa’ahōhonu atu ā te mau mana’o fifi ’e te mau fāna’o o te rima’ī i Pōrīnetia farāni nei.
VF- Commission consultative de l’artisanat traditionnel
Éliane Tevahitua, vice-présidente et ministre de la Culture, de l’Enseignement supérieur, de l’Environnement, du Foncier et de l’Artisanat, en charge des Relations avec les Institutions, a été représentée par Ioane Wong, directeur de cabinet, et Tevai Temaru, chargée de mission, à la Commission consultative de l’artisanat traditionnel qui s’est tenue le vendredi 22 septembre dernier à la Vice-présidence.
La commission était composée de Vaiana Giraud, chef de service de l’artisanat, Viri Taimana, directeur du centre des métiers d’art (CMA), Jarvis Teauroa, directeur adjoint de la direction de la culture et du patrimoine (DCP), et de Béatrice Legayic, Woita Prokop, et Raphaël Taiaapu, tous les trois professionnels du secteur de l’artisanat.
Les sujets abordés par la commission consultative de l’artisanat traditionnel étaient principalement les suivants : une demande de carte ‘Ihi rima’ī, une demande de subvention, des propositions de modifications de textes concernant le statut de l’artisan traditionnel de la Polynésie française, et la création d’un programme d’aides au développement de l’artisanat traditionnel de Polynésie française.
La commission a également exploré des pistes de collaboration pour développer le secteur, en abordant des sujets tels que l’approvisionnement en matières premières et la disponibilité des espaces d’exposition et de formation pour les artisans. La commission a permis un échange constructif et approfondi sur les défis et les opportunités en faveur du développement de l’artisanat traditionnel en Polynésie française.